EQQUMIITSULIORTUT TASIILAMI
MEEQQANIK INUUSUTTUNILLU

PINNERSAASIORNERMIK SAMMISAQARTITSISSAPPUT

Hjem » EQQUMIITSULIORTUT TASIILAMI MEEQQANIK INUUSUTTUNILLU PINNERSAASIORNERMIK SAMMISAQARTITSISSAPPUT

Skrevet 28. juni 2019 af UNICEF Danmark

Gentofte Kommune 2018-imi UNICEF-ip illoqarfiatut inissisimanini atorlugu UNICEF-ip Kalaallit Nunaanni meeqqanik inuusuttunillu suliniutaanut aningaasaliissutissanik katersititsivoq. Aningaasat katersorneqartut ilaatigut meeqqat pisinnaatitaaffiinut tunngasunik atuartitsissutissanik suliaqarnissamut atorneqartussaapput, taakkua annerusumik kinaassutsimut, kulturimut, ataqqeqatigiillunilu akaareqatigiinnermut samminnittussaapput.

Katersuiniarnermut ilanngullugu gultinik pinnersaasiortartoq Nicolai Appel eqqumiitsuliortorlu Buuti Pedersen nannunik Kalaallit Nunaanneersunik atortulersukkanik kappoqqutinik suliaqarput. Kappoqqutip tunineqarnerata sinneqartoorutaata ilaanik Tasiilami suliniuteqartoqassasoq, tassanilu meeqqat inuusuttullu ilusilersuillutik aallussillutik ilinniartinneqassasut kappoqqusiortut taakkua aalajangiisimapput, meeqqat inuusuttullu ilikkakkatik taamaasillutik inuunerminni atorluarsinnaaniassammatigit.

”Neriuppunga inuusuttunnguit sapaatip akunneranik pissanganartumik misigisaqarumaartut, Kalaallit Nunaannilu siunissami periarfissagissaartitsisumik pigisaqalerumaartut,” Buuti Pedersen oqarpoq.

Eqqumiitsuliortut Nicolai Appel-ip ilinniartua Nadja Arnaaraq Kreutzmann ingiaqatigissavaat. Taannalu ilaatigut pinnersaasiaqarpoq ”Panikpanik”-mik atsikkaminik, inuit kakiortarneri isumassarsiorfigalugit suliarisimavai.

Pinnersaasiornermik sammisaqartitsineq aaqqissorneqarsimavoq Kommuneqarfik Sermersooq qanimut suleqatigalugu, meeqqat inuusuttullu allamut saasarlutik qasuersaarsinnaanissaat atuanngiffeqarnerminnilu sammisassaqartinneqarnissaat suliami anguniagaavoq.

”Pinnersaaniornermi assaallu sulineranni timi eqqissisarpoq nuannersumillu ataatsimoorneq pinngortarluni. Pinnersaasiat pilluarnermik nassataqarsinnaasarput ulluni taarnerusinnaasuni eqqaassutissatut atorluarneqarsinnaallutik. Sammisaqartitsinermi inuusuttut namminneq isumassarsiatik tunngavigalugit pinnersaasiussapput, imminnut isumalimmik pinngortitsinissaq siunertaralugu” Nicolai Appel oqarpoq.

Nicolai Appel-ip aamma neriuutigaa Tasiilami meeqqat inuusuttullu gultimik pinnersaasiornermik nuannarisaqalerumaartut.

 

Sumiiffissaq: Tasiilami Inuusuttut kulturikkut illuanni

Ulloq: 1. juli – 5. juli 2019

 

Gentofte Kommunemi katersuiniarnermut tunngatillugu paasissutissat

  • Atuartitsissutinik suliaqarnerup saniatigut sammisaqartitsinerillu saniatigut aningaasat katersukkat atorlugit NAKUUSA suliniuteqassaaq, NAKUUSA UNICEF-ip Namminersorlutillu Oqartussat suliniaqatigiiffigaat.
  • Kommuneqarfik Sermersooq suleqatigalugu NAKUUSA Kalaallit Nunaata Kangiani ilinniartitisunik pikkorissaatitsissaaq, aammalu Meeqqat Siunnersuisoqatigiiffiannik pilersitsissalluni, taavani meeqqat nipaat tusaaniarneqarsinnaalerniassammat.
  • NAKUUSA ukiaru meeqqanik ataatsimeersuartitsilerpat Nunatta Kangianiit peqataasoqarnissaanut aningaasanik aamma immikkoortitsisoqareerpoq.

Qulaani taaneqartut pillugit piffissami aggersumi avammut nalunaaruteqartoqarumaarpoq.

Attaveqarfissat:

Annertunerusumik oqaaseqartitsiniarussi, taava inussiarnisaartumik qinnuvigaassi UNICEF Danmarkip Kalaallit Nunaanni Suliniutinut Pisortaa Sara Olsvig attavigeqqullugu uunga mobil (+299) 583800.

Sumiiffimmut tunnganerusut pillugit paasiniaasoqarsinnaavoq uunga: Tasiilami Inuusuttut Illuanni aqutsisoq Mia Skifte Lynge oqarasuaat toqqaannartoq.: (+299) 367731 imaluunniit mobil: (+299) 559738.